പിറവിയുടെ രാത്രി

പിറവിയുടെ രാത്രി.

മുഹമ്മദ്‌  അറയ്ക്കല്‍ 

--------------------------------------
ഡിസംബറിന്റെ 

തണുത്ത രാത്രിയില്‍ 

ഉയിരെടുത്ത

വെളുത്ത പൂക്കളുടെ 

പിടഞ്ഞുണരുന്ന രാഗം

ഇളം കാറ്റിന്റെ 

സുതാര്യതയില്‍ 

അലിഞ്ഞു ചേരുന്നു.

നേര്‍ത്ത മഞ്ഞിന്റെ നൂലുകള്‍ 

പിയാനോ കട്ടകളില്‍ 

നീലയങ്കിയണിഞ്ഞ 

ഒരു വിഷാദ രാഗത്തിനു
ശ്രുതിയിടുന്നു.

ചിറകു കുടഞ്ഞ്‌

താളം മുറുക്കിയ ഒരു രാപ്പാടി

മഞ്ഞില്‍ അലിഞ്ഞു തീരുന്നു.

നീട്ടിപ്പാടുന്ന പ്രച്ഹന്ന വേഷക്കാര്‍ 

സാന്താക്ലോസിനെപ്പോലെ 

തലയാട്ടുകയും

പുഞ്ചിരിക്കുകയും ചെയ്യുന്നു.

അവര്‍ വീണ്ടും വീണ്ടും

ഒരു പിറവിയെക്കുറിച്ച്

ഓര്‍മ്മിപ്പിക്കുന്നു.

ഓ!

നാളെയാണല്ലോ

ക്രിസ്തുമസ്!
      ...